Zaoterdig de 10 de mei zeen w’r weer mit de Kér langs de deur gewaes.
Auch dit jaor zoote de luuj weer kort biej ’t bedraag waat aan verkoupwaarde op de Kér loog
Sylke Mans & Luuk v Helden hôbbe de inhoud van de ganse Kér gewônne mit ein versjil van
43 cent De totale waerde woor 1866.43 euro.
De oetreiking woor dezelfde daag door oos prinsepaar Prins Roel I & Prinses Christel.
Eederein weer bedank väör ’t mitdoon mit raoje
En alle ôngernummers weer bedank väör ’t ter besjikking stélle van de spulkes en alle
Tegoodbônne die w’r weer van uch hôbbe gekreege.
De Bôkkeriejers
carnavalsvlaggen zijn weer te koop
Nuuj Prinsepaar De Bôkkeriejers
Met dank aan Key doek
Prinsewaage van Prins Roel I & Prinses christel
De Bôkkeriejers oet Sint Joas höbbe ein nuuj prinsepaar, te weite
Prins Roel I ( Aelen ) en Prinses Christel ( Thissen ).
Zaoterdig 28 December koom in ein sjoan act, gebrach door de Awt Prinse Club van de Bôkkierjers in gemeinsjapshoes ’t Patronaat te St joas ‘t nuuj Prinsepaar nao väör. Toet häör adjudante zeen benumd Roy Beunen, Erwin op de Kamp, & Jos Savelkoul.
Prins Roel I is gebaore in ’t riek van de Aester Sjaelen Uul oppe Sjlek en 41 jaor
en woont in Sint Joas sins 2011.
Prins Roel is Oetveurder biej aannummer BLM Waegeboew BV in Wéssem en wérkzaam in infra en industrieboew. Roel zien Hobbies zeen eine gooje drinke, lekker aete, op vakansie gaon, skiën,
Geiteclub Iris 2, CV De Bôkkeriejers, voetballe mit de kinjer en nao ’t sporte van de kinjer gaon kieke.
Prinses Christel is 40 jaor Gebaore in ‘t riek van de Winkbülle in Hieële.
Christel wérk es ômgaevingsmeneger biej Watersjap Limburg in Remunj en ôngersteund in projecte door de belange van de omgaeving aaf te stjúmme mit de techniek en de belange van Watersjap Limburg.
Christel häör hobbies zeen, op vakansie gaon, oet aete, mit vriendinne en op stap gaon, skiën, organisere KVW väör ’t Jeugdwerk, d’r op oet trèkke mit de kinjer.
Samen höbbe ze 2 jongens, Thijs van 9 jaor en Luc van 5 jaor
‘T nuuj Prinsepaar héltj zaoterdig 18 jannewari de Bôntje aovend en
zôndag 19 jannewari 2024 vanaaf 17.11 uur resepsie in gemeinsjapshoes‘t Patronaat.
Ze gaon dit jaor de vastelaovend in Sint Joas aanveure ônger heure liefsjpreuk:
“ Mit alle vastelaovesvrunj op straot, loupe w’r dees daag same oet de maot “