Leef St Joaster Vastelaovesvrunj.
Wie det g’r de letste jaore van ôs gewend zeent kômme w’r auch dit jaor weer mit
de Kér langs de deur.
Dit zal gebeure op 10 Mei.
Den ként g’r weer raoje waat der aan waerd op de Kér ligk en wie békend wint daegene dae ’t kortste biej zit de hieële inhoud van de Kér.
Weer winse den auch eederein väöl sukses mit raoje.
Auch natuurlik dank aan al ôs sponsors die altied hieël gul aan de Kér biejdrage ôm dees good gevuld te kriege.
De Bôkkeriejers
De Bôkkeriejers danke eederein väör de prachtige vastelaovend
carnavalsvlaggen zijn weer te koop
Nuuj Prinsepaar De Bôkkeriejers
Met dank aan Key doek
Prinsewaage van Prins Roel I & Prinses christel
De Bôkkeriejers oet Sint Joas höbbe ein nuuj prinsepaar, te weite
Prins Roel I ( Aelen ) en Prinses Christel ( Thissen ).
Zaoterdig 28 December koom in ein sjoan act, gebrach door de Awt Prinse Club van de Bôkkierjers in gemeinsjapshoes ’t Patronaat te St joas ‘t nuuj Prinsepaar nao väör. Toet häör adjudante zeen benumd Roy Beunen, Erwin op de Kamp, & Jos Savelkoul.
Prins Roel I is gebaore in ’t riek van de Aester Sjaelen Uul oppe Sjlek en 41 jaor
en woont in Sint Joas sins 2011.
Prins Roel is Oetveurder biej aannummer BLM Waegeboew BV in Wéssem en wérkzaam in infra en industrieboew. Roel zien Hobbies zeen eine gooje drinke, lekker aete, op vakansie gaon, skiën,
Geiteclub Iris 2, CV De Bôkkeriejers, voetballe mit de kinjer en nao ’t sporte van de kinjer gaon kieke.
Prinses Christel is 40 jaor Gebaore in ‘t riek van de Winkbülle in Hieële.
Christel wérk es ômgaevingsmeneger biej Watersjap Limburg in Remunj en ôngersteund in projecte door de belange van de omgaeving aaf te stjúmme mit de techniek en de belange van Watersjap Limburg.
Christel häör hobbies zeen, op vakansie gaon, oet aete, mit vriendinne en op stap gaon, skiën, organisere KVW väör ’t Jeugdwerk, d’r op oet trèkke mit de kinjer.
Samen höbbe ze 2 jongens, Thijs van 9 jaor en Luc van 5 jaor
‘T nuuj Prinsepaar héltj zaoterdig 18 jannewari de Bôntje aovend en
zôndag 19 jannewari 2024 vanaaf 17.11 uur resepsie in gemeinsjapshoes‘t Patronaat.
Ze gaon dit jaor de vastelaovend in Sint Joas aanveure ônger heure liefsjpreuk:
“ Mit alle vastelaovesvrunj op straot, loupe w’r dees daag same oet de maot “